PHARISAEUS Sichemita

PHARISAEUS Sichemita

Septem Pharisaeorum genera diversa, ex Talmud, tract. Suta. c. 3.

qui lucri causâ se secrae huic addixit: quemadmodum Sichemitae non aliô fine circumcisionem admisêre. II. Pharisaeus truncatus, qui sic dictus est, quod meditabundus incedens vix pedes humô tollebat, tamquam iis truncatus esset. III. Pharisaeus impingens, quoties in publicum prodibat, oculos habebat clausos, ne forte feminam videret: quô fiebat, ut saepe in parietes murosque aedium caput impingeret, illudque redderet cruentum. IV. Pharisaeus, quid debeo facere, et faciam illud? Qualis fuisse videtur is in Euangelio, qui, ad SERVATOREM nostrum accedens, dicebat: Magister bone, quid faciendo vitam aeternam possidebo? Lucae c. 18. v. 18. Vide quoque v. 21. V. Pharisaeus mortarius, sic vocatus, quod instar profundi mortarii pileum gestaret, sit ut nec hac nec illac circumspicere, verum oculos solum humi, et ante se per lineam rectam eorum aciem emittere posset. VI. Pharisaeus ex amore. Vocabantur ita, qui solius virtutis amore ad Pharisaismum se applicabant, directe proin Pharisaeis Sichemitis oppositi: vel potius ultimo generi. VII. Pharisaeus ex timore, qui legi saltem poenae metu oboedientiam praestabat: Tales negativa praecipue mandata; sicut priores affirmativa, respiciebant.